الزعيم الشهيد البطل
اهلا و سهلا بجميع زوار المنتدى

نكت روعة إبتسموا يا أصدقائي

استعرض الموضوع السابق استعرض الموضوع التالي اذهب الى الأسفل

نكت روعة إبتسموا يا أصدقائي

مُساهمة من طرف aimen khemissi في الثلاثاء أبريل 10, 2012 3:51 pm

واحد الولد قال لأمه: مي، محتاجك تمشي معايا غدا للمدرسة
قالت ليه أمه: علاش أولدي؟
قال ليها الولد: قال لينا الاستاد اليوما، اللي ما جاش داير التمارين غدا غادي نضرب مو
...............................................................................................................

هادوا تلاتة ديال الصحاب تفارضو فدجاجة محمرة وشراوها
منين جاو ياكلوها مالقاوش الخبز، ناضو صيفطو واحد منهم يجيب ليهم الخبز
تسناوه ساعة ما جاش
تسناوه ساعتين ما جاش
تسناوه تلت سوايع ما جاش
طلع ليهم الدم، وقالوا صافي عيق، ملي يجي ياكل هو الخبز
وهو نيت يخرج ليهوم من مورا الباب، وقال ليهم: شفتوا كون مشيت؟
................................................................................................................

هادا واحد معصب ما كيحملش يعاود الهدرة جوج مرات
مشى عند واحد الحانوت قال ليه: عندك الحليب؟
قال ليه مول الحانوت: لا
مشى المعصب عند حانوت اخر وقال ليه: و نتا؟
..............................................................................................................

واحد سكران مشى لدارو
لاحت ليه مرتو الساروت، وتلف على الثقبة ديال الباب
غوت عليها قال ليها: لحتي الساروت إيوا لوحي التقبة
.........................................................................................
واحد التلميد دخل القسم معطل بلا ما يدق الباب
قال ليه الاستاد معصب: كوري؟؟
جاوبو التلميد: لا لا، مغربي
.............................................................................................................
هادي واحد المرا كبيرة وحشومية بزاف مشات تقرا ف محو الأمية
وكان العنوان ديال الدرس : دخل أحمد، خرج أحمد
ملي تقول المعلمة: دخل أحمد، كدير المرا الزيف على راسها
وملي تقول المعلمة: خرج أحمد، كتحيد المرا الزيف على راسها
ملي مشات للدار، قال ليها راجلها: آشنو قريتو اليوم؟
قالت ليه: علاه احمد خلانا نقراو؟ ها هو داخل، ها هو خارج
...........................................................................................
واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو
......................................................................
واحد السيدة حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة
............................................................................................................
واحد المكلخ سول صاحبو : بغيت نبيع الطوموبيل ديالي 205 بشي ثمن غالي، أش ندير؟؟
قال ليه صاحبو : مسح ديك 205 و كتب مرسيدس و لا بي ام
دازت مدة، سوله صاحبو : إيوا، بعتي الطوموبيل ؟؟
قال ليه المكلخ : واش تسطيتي؟ كاين شي واحد كيبيع البي ام ؟؟!!
avatar
aimen khemissi
عضو نشيط
عضو نشيط


عدد الرسائل : 310
الموقع : https://www.facebook.com/khemissi.abdaldejalil?ref=tn_tnmn
نقاط : 585
تاريخ التسجيل : 07/10/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى